په دې لوبه کې چې د چهارشنبې په ماښام په بنکاک ښار کې ترسره شوه، د تایلنډ د فوټسال ملي لوبډلې وکولای شول د افغانستان د فوټسال ملي لوبډلې ته ۳-۲ په وړاندی ماتې ورکړي.
د دې لوبې په بایللو سره د افغانستان د فوټسال ملي لوبډله ونه توانېده چې د فوټسال (NSDF)کپ سیالیو پایلوبې ته لار ومومي.
د افغانستان د فوټسال ملي لوبډله سبا د مالیزیا د فوټسال ملي لوبډلې سره د (NSDF) کپ سیالیو د درېیم مقام ګټلو لپاره لوبه کوي.
د (NSDF) کپ لوبې د اسیا د ملتونو جام ۱۷ پړاو سیالیو ته د چمتووالي په هدف د څلورو لوبډلو ترمنځ پیل شوې وی او ټاکل شوې چې د دغه جام په وروستۍ لوبه کې استرالیا له تایلنډ سره سیالي وکړي.
د اسيا د ملتونو جام سيالۍ به د اپرېل له ۱۷مې نېټې څخه تر ۲۸مې نېټې پورې په تايلند کې تر سره شي او د افغانستان د فوټسال ملي لوبډله به هم په کې برخه واخلي.