په نننۍ لوبه کې لومړی افغان لوبغاړو توپ وهنه وکړه او د سیالې لوبډلې لپاره یې د ۲۳۷ منډو هدف وټاکه، خو د ايرلنډ لوبډلې ټول لوبغاړي په ۱۱۹مڼډو کې وسوځېدل او لوبه د ۱۱۷ مڼډو په توپیر افغانستان وګټله.
په دې لوبه کې محمد نبي او ننګیال خروټي ښه توپ اچونه وکړه او د لوبې په لړ کې محمد نبي په ۱۰ اورونو کې ۱۷ منډې ورکړې او ۵ لوبغاړي یې وسوځول.
ننګیال خروټي بیا په نهو اورونو کې ۳۰ منډې ورکړې او ۴ لوبغاړي یې وسوځول.
د یادونې وړ ده چې، د افغانستان کرکټ ملي لوبډلې د ایرلڼډ پر وړاندې د دې لړئ یوه بله لوبه هم ګټلې وه او یوه لوبه هم د باران د اورښت له امله لغوه شوې وه.
د افغانستان کرکټ ملي لوبډلې د پنځوس اوریزو لوبو په وروستۍ لوبه کې ایرلنډ ته ماتې ورکړه
