د تکواندو نړیوال فدراسیون د پارا تکواندو کمیټې اعلان وکړ چې ذکیه خدا دادي، د تکواندو افغان لوبغاړې چې اوس مهال فرانسه کې اوسیږي، د خپلې روسۍ سیالې په ماتولو سره د سرو زو مډال وګاټه او د پاریس پارا المپیک سیالیو ته یې لار پیدا کړه.
دې افغانې تکواندو کارې په یادو سیالیو کې د کډوالو د لوبډلې له ادرسه ګډون کړی و او وې کړای شول ۱۶ د ۱۴ په وړاندې خپلې روسۍ سیالې کارواول شولبانا ته ماته ورکړي.
د تکواندو دغه سیالۍ د جمعې په ورځ د بلغاریا هیواد په صوفیا ښار کې د اروپایي هیوادونو د پارا تکواندو کارو ښځو په ګډون ترسره شوې. ذکیه خدا دادي پر خپله فیسبوک پاڼه لیکلي چې خپل ګټلی د سرو زرو مډال افغان میرمنو ته چې له خپلو حقونو بې برخې دي، ډالۍ کوي.
ذکیه خدا دادي د پاریس په پارا المپیک سیالیو کې د ګډون ونډه ترلاسه کړه
