روسیه کې پر کنسرت د برید کوونکو هویت افشا شو

کوبها نیوز: (۴ وري۱۴۰۳)
روسیې پر کنسرت د تېرې شپې څلور تنو برید ګرو هویتونه افشا کړل.
د روسي رسنیو د راپورونو له مخې مسکو د هغو شپږو کسانو له ډلې څخه د څلورو کسانو نومونه افشا کړي چې د کراکس ښار په تالار کې یې ترورستي بریدونه وکړل.
په دغو کسانو ناصرالدینوف مخمدرسول، اسمونوف ریوازیدین، صفول زاده شوخینجان او نظروف رستم ټول د تاجکستان وګړي دي.
روسیې په ټول هیواد کې د مسکو برید کوونکو لټون پیل کړی ده.
په مسکو کې د کروکس ښار په تالار کې د تروریستي برید په اړه د شپږو شکمنو څخه د څلورو د پیژندلو وروسته، په ټول هیواد کې د پولیسو ټولو څانګو ته خبرداری لیږل شوی، چې شکمن اوس هم وسلې او چاودیدونکي توکي لري او د دوی په موندولو باید تمرکز زیات شي.
وړمه ورځ په کندهار ولایت کې هم د کابلبانک پرڅانګې داعش خراسان څانګې پورې اړوند بریدګر برید وکړ، چې وروسته یې داعش مسوولیت ومانه او د بریدګر هویت یې د ابومعاویه پنجشیري په نوم اعلان کړ.
دا په داسې حال کې ده، چې څو ورځې مخکې د تحریک طالبان پاکستان (TTP) پخواني ویاند احسان الله احسان په یوه لیکنه کې ویلي و، چې د پاکستان او تاجکستان استخباراتي ادارو په افغانستان کې د خپلو نیابتي ډلو (داعش خراسان او د مقاومت جبهې) ترمنځ د همکاریو رامنځته کولو او له دې ډلو څخه د ملاتړ زیاتولو لپاره تړون لاسلیک کړی دی.