کابل( ۴ وری ۱۴۰۳ کوبهانیوز) د طالبانو د بهرنیو چارو وزارت وایي، د روسیې په پلازمېنه مسکو کې وروستی ترهګریز برید په کلکو ټکو غندي او دا له ټولو بشري معیارونو ښکاره سرغړونه بولي.
طالبان وایي، “داعش چې په افغانستان او د نړۍ په نورو سیمو کې یې هم ملکي وګړي په نښه کړي، د دې پېښې له لارې یې یو ځل بیا په ډاګه کړه چې دا د استخباراتي کړیو په لاس کې یوه ډله ده چې هدف یې د اسلام بدنامول او ټولې سیمې ته ګواښ دی”.
د طالبانو د بهرنیو چارو وزارت وایي، د سیمې هېوادونه باید د دې ډول پېښو په وړاندې چې د سیمې د بې ثباتۍ لامل کېږي، همغږي، واضح او کلک دریځ غوره کړي.
ظاهرا دا لومړی ځل دی چې طالبان دغسې یوه برید ته د “تروریستي” اصطلاح کاروي.
د جمعې په ماښام وسله والو بریدګرو د کریملین له ماڼۍ څخه شل کیلومتره لرې د کروکاس سالون باندې برید وکړ، چیرې چې د راک کنسرت روان و.
برید کوونکي چې له مقاومت پرته تالار ته ننوتل، ۶۲ تماشاچیان یې ووژل او ۱۵۳ نور یې ټپیان کړل.
داعش د دې برید مسولیت په غاړه اخیستی.
طالبانو د مسکو برید تروریستي برید وباله
د طالبانو د بهرنیو چارو وزارت وایي، د سیمې هېوادونه باید د دې ډول پېښو په وړاندې چې د سیمې د بې ثباتۍ لامل کېږي، همغږي، واضح او کلک دریځ غوره کړي.
