فطرت: د افغانستان هوايي حریم د امریکا په کنټرول کې دی

کابل( ۱۶کب ۱۴۰۲) د طالبانو د دفاع وزارت لوی درستیز وايي، د افغانستان هوايي حریم لا هم د امریکا په کنټرول کې دی.
فصیح الدین فطرت له طلوع نیوز سره په ځانګړې مرکه کې ویلي، چې د هېواد هوايي حریم لا هم د امریکا له لوري اداره کیږي او دغه هېواد د افغانستان له فضايي حریم څخه سرغړونه کوي.
د فطرت په وینا، امریکايي بې پیلوټه الوتکې وخت ناوخته د افغانستان پر فضا الوتنې کوي.
فطرت وایي، په کورنیو چارو، استخباراتو او دفاع وزارتونو کې د ط.البانو د فعالو سرتیرو شمېر ۵۰۰ زره او د اردو ۱۷۲ زره تنه دی.
فطرت د ډیورنډ کرښې په تړاو وایي، چې د دوی حکومت دغه کرښه یوه فرضي کرښه ګڼي.