خوست: ( ۱۵ کب ۱۴۰۲) د افغانستان فوټبال فدراسیون وايي چې، په خوست کې د فوټبال غوره لیک سیالۍ د “مټی چینې لوبډلې” په بریا پای ته ورسېدې.
په پایلوبه کې د مټی چینې او مجاهد لوبډلې د سیالۍ ډګر ته سره وتلې وې، چې مجاهد لوبډلې د ۰/۲ ګولونو په توپير ماته وخوړه.
د افغانستان فوټبال فدارسیون په دې تړاو خپره کړې خبرپاڼه کې ويلي، د غوره لیک دغو سیالیو نږدې درې میاشتې دوام وکړ چې، موخه يې افغان چمپين ليګ ته د غورې لوبډلې ټاکل دي.
د دې سیالیو غوره لوبغاړي له شاهین کلب څخه عمر، غوره ګول وهونکی له معلمجان کاروان لوبډلې څخه عاشق او غوره ګول ساتونکی د کلوب اتلانو لوبډلې څخه سمیع الله ټاکل شوي دي.