د واحدالله نژند او د چک جمهوریت څخه یعقوب بهینیک ترمنځ لوبه د شنبه په شپه د جرمني په شتوتګارت ښار کې د ۷۴ کیلو ګرامه وزن په کټګورۍ کې ترسره شوه او نژند وکولای شول د خپل سیال په وړاندې د زیاتو نمرو په ترلاسه کولو سره لوبه وګټي.
د MMA سازمان د معلوماتو پر بنسټ، واحدالله نژند په خپل ورزشی ریکارډونو کې اوه بریاوې او دوه ماتې او یکوب نهه بریاوې او څلور ماتې لري.
واحدالله نژند چې د MMA افغان لوبغاړی دی، یو کال وړاندې جرمني ته تللی او هلته خپلو تمرینونو ته دوام ورکوی.
ښاغلي نژند پنځه ورځې مخکې د نوي لمریز کال په مناسبت په یوه پیغام کې ویلي وو چې سږ کال به په لا زیاتو سیالیو کې د ګډون هڅه وکړي.
واحدالله نژند د افغانستان د ازادو سیالیو لوبغاړي خپل چکي سیال ته ماتې ورکړه
