ګراهام: امریکا باید په افغانستان کې د داعـ.ـ.ش خراسان څانګې پر مرکزونو بریدونه وګړی

د امریکا یوه وتلي سناتور لینسي ګراهام پر خپله ایکس پاڼه لیکلي، “وړاندې له هغې چې ډیر ناوخته شي، امریکا باید په افغانستان کې د داعـ.ـ.ش خراسـ.ان څانګې پر مرکزونو بریدونه وکړي او د دې ډلې عملیاتي وړتیا وځپي”.
له دې وړاندې پرون د امریکا د استازو جرګې د بهرنیو اړیکو کمیټې رییس، مک کال هم له افغانستان نه د امریکا د امنیت او ګټو پرضد د داعـ.ش خطر ته اشاره کړې او ویلي یې دي چې د دې ډلې د خراسان څانګې وروستیو فعالیتونو ته په کتو، کولی شي امریکا ته هم خطر پیښ کړي.
خو د ط.ـالبانو د حکومت ویاند، ذبیح الله مجاهد دغو اندیښنو ته په تازه غبرګون کې ویلي چې داعـ.ـش ډله په افغانستان کې ځپل شوې او دوی به اجازه ور نه کړي چې د افغانانو او بهرنیو هیوادونو په وړاندې امنیتي ګواښونه جوړ کړي.