پيمان لوبډلې د پکتیا د فوټسال سیالیو بریا خپله کړه

ګردیز( ۱۵ کب ۱۴۰۲) د پکتیا ولایت په ګردیز کې د فوټسال ژمنۍ سیالۍ چې څه موده وړاندې پيل شوې وې، د پیمان لوبډلې په بریا پای ته ورسېدې.
په دې سیاليو کې د پکتیا ولایت ۳۰ بېلابېلو لوبډلو برخه اخیستې وه.
د پکتیا د بدنې روزنې او سپورټ ریاست وايي، د دې سیاليو په پای‌لوبه کې پيمان لوبډلې خپلې سیالې لوبډلې تلاش ته ۶ د ۲ ګولونو په توپير ماته ورکړه.
د دې سیاليو موخه راتلونکو لوبو ته د لوبغاړو چمتوالی ښودل شوی دی.