کابل( ۱۶ کب ۱۴۰۲) د ملګرو ملتونو د سرمنشي له خوا د افغانستان په اړه د وروستي درې میاشتني راپور له مخې، د تېر میلادی کال له نومبر څخه د روان کال تر جنورۍ پورې امنیتي پېښې ۳۸ سلنه زیاتې شوې دي.
د دغو پیښو ډیری برخه د مخدره توکو په کښت او تولید کې ښکیلو افرادو سره شخړې دي.
رپوټ وايي، د طالبانو د نظامي مخالفانو بریدونه لا هم دوام لري ، خو دا یې د طالبانو واک ته جدي ننګونه نه ده بللې. .
د رپوټ له مخې، د داعش بریدونو کې د تېرکال د ورته مودې پرتله کموالی راغلی دی. رپوټ وایی د داعش د بریدونو موخه هم تر ډیره شیعه ملکي وګړي او د طالبانو غړي دي.
د طالبانو حکومت تراوسه دې رپوټ ته غبرګون نه دی ښودلی، خو تر دې وړاندې یې ورته اندیښنې رد کړي او امنیت د ډاډ وړ بولي.
د م م تازه رپوټ په افغانستان کې د امنیتي پېښو ۳۸ سلنه زیاتوالی ښيي
د دغو پیښو ډیری برخه د مخدره توکو په کښت او تولید کې ښکیلو افرادو سره په شخړو پورې تړاو لري.
