د محافظه کار ګوند غړيکارنر یوې غونډې ته وویل: “دا مهال موږ دې هیوادونو ته د اخراج واک نه لرو ځکه دا د اروپايي اتحادیې د قانون خلاف دی ، او زه باور لرم چې دا اړینه او سمه ده چې په دې اړه بحث وشي چې څنګه موږ دا په منځنۍ موده کې بیا ترسره کړو.”
د سوریې لپاره کارنر د دمشق شاوخوا سیمې د خوندي سیمو په توګه یادې کړې، خو کله چې په افغانستان کې د امن ځای په اړه وپوښتل شو، نو د افغانستان لپاره یې د داسې یوې سیمې نوم وانخیست.
“د اتریشي رسنیو د رپوټونو له مخې، کارنر وویل، چې په اروپايي ټولنه کې د افغان او سوریايي پناه غوښتونکو شمېر ډېر دی. هغه زیاتوي: “موږ ګورو چې دا دوه هیوادونه په اتریش کې د ټولو غوښتنلیکونو نږدې درې پر څلورمه برخه جوړوي. “
دغه محافظه کار سیاستوال وايي، چې افغان او سوریايي وګړي د اروپايي ټولنې په نورو غړو هېوادونو کې هم د پناه غوښتونکو تر ټولو لویه ډله جوړوي. هغه وړانديز وکړ چې اروپايي ټولنه دې په دې اړه څېړنه وکړي چې د دغو هېوادونو خلک کومو سيمو ته بېرته اخراج شي. د سوریې لپاره کارنر د دمشق شاوخوا سیمې خوندي وګڼلې، خو کله چې په افغانستان کې د خوندي ځای په اړه وپوښتل شو، نو د افغانستان لپاره یې د داسې یوې سیمې نوم وانخیست.
د شینګن سیمې وضعیت او د پناه غوښتنې او کډوالۍ پالیسي د دوشنبې په ورځ په بروکسل کې د اروپايي ټولنې د کورنیو چارو د وزیرانو د ناستې د اجنډا په سر کې وه.
خو د اتریش زرغون ګوند غړي او د چاپیریال ساتنې وزیر لیونر ګوسلر وویل چې دا د اتریش د حکومت دریځ نه دی. هغه وویل چې دا کار د اروپا د قوانینو له مخې ممکن نه دی او دا د بشري حقونو له کنوانسیون سره په ټکر کې دی.