اسلام اباد( د وري لومړی ۱۴۰۳ کوبهانیوز) : منظور پشتین وایي، ترهګري د پاکستان د پوځ د پالیسیو تولید دی، مشکل افغانستان کې نه دی، بلکې جي ایچ کیو کې دی.
منظور پشتین نن په یوه ایکس سپیس کې د میرعلي د ځانمرګي برید او د هغه غبرګون کې د افغانستان پر خاوره د پاکستان د بمبارۍ په تړاو وویل چې دا د پوځ او ای ایس ای پالیسي ده چې دلته جګړه وي او جګړه یې پالیسي ده.
هغه وایي چې یوازې د شمالي وزیرستان د میرعلي د برید په رڼا کې وضعیت نه شي تحلیل کېدای، بلکې تېرو شلو کلونو کې وضعیت باید په نظر کې ونیول شي.
پشتین وایي، “په ټولو لارو پوځ او کمرې دي، نو میرعلي ته خلک څنګه رسیږي، یا پوځ له ترهګرو سره ملګری دی یا د امنیت په ټینګښت کې ناکام دی چې په دواړو حالاتو کې مسوول دی”.
پشتین وایي، پاکستاني پوځیان نه غواړي [د ترهګرۍ] مشکل حل شي، ځکه دلته یې پر ډیورنډ لاین ګټې دي.
د بشتین په وینا پاکستان پخوا د کشمیر پر سر ستره بودجه ترلاسه کوله خو اوس پر قبایلي سیمو او ډیورنډلاین متمرکز دي.
پشتین وایي، د پاکستان نظام استعماري دی.
منظور پشتین: مشکل افغانستان کې نه، جي ایچ کیو کې دی
پشتین وایي، پاکستاني پوځیان نه غواړي [د ترهګرۍ] مشکل حل شي، ځکه دلته یې پر ډیورنډ لاین ګټې دي.
